21.03.2023

Падарожжа ў гісторыю вайны і сучаснасць Беларусі

21 сакавіка 2023 года вучні Начаўскай школы ажыццявілі цудоўнае падарожжа ў сталіцу нашай рэспублікі для азнаямлення з экспазіцыямі Дзяржаўнага музея Вялікай Айчыннай вайны і выдатным помнікам сучаснай архітэктуры Рэспублікі Беларусь - Нацыянальнай бібліятэкай Беларусі.

У Дзяржаўным музеі Вялікай Айчыннай вайны і вучні, і настаўнікі з захапленнем і заміранне сэрца слухалі цікавы аповед экскурсавода па гісторыі трагедыі і мужнасці беларускага народа ў гады Вялікай Айчыннай вайны. У кожным зале музея была свая захапляючая гісторыя, якая правяла дзяцей ад першага дня вайны да Вялікай Перамогі народа над нямецка-фашысцкімі захопнікамі.

Вучні з асаблівым маўчаннем і павагай слухалі гісторыю трагедыі народа, а менавіта падзеі генацыда беларускага народа ў гады Вялікай Айчыннай вайны. Вялікай ўражанне і эмацыйны пад’ём выклікала ў дзяцей выстава-экспазіцыя карцін Міхаіла Савіцкага “Цыфры на сэрцы”, прысвечаная 100 годдзю мастака, у якой прадстаўлены палотны па тэме “Генацыда”.

Усе экскурсанты засталіся пад вялікім уражаннем ад падарожжа ў гісторыю вайны.

Але жыццё працягваецца і мы накіраваліся далей па гораду Мінску. Ужо на пад’ездзе усіх уразіла велічнае збудаванне, сапраўднае архітэктурнае цуда, а менавіта комплекс Нацыянальнай бібліятэкі Беларусі.

Падчас экскурсіі вучні пазнаёміліся з асноўнымі заламі бібліятэкі, прасачылі працэс атрымання кніг чытачамі. Дзяцей прывялі ў захапленне экспанаты музея бібліятэкі. На самым піке вучні паглядзелі праз аптычныя прыборы на велічную і прыгожую сталіцу Рэспублікі Беларусь.

Вось гэта да – моцная, квітнеючая, незалежная і прыгожая наша родная Беларусь!

Падарожжа да дому прайшло незаўважна, усе абменьваліся думкамі і пачуццямі ад пабачанага і пачутага.

Як кажуць, лепш адзін раз пабачыць, чым шмат разоў пачуць. У нас гэта атрымалася на ўсе сто працэнтаў!