04.11.2022

Восеньскія нататкі вандроўнікаў – дзень шосты

  Вось і завяршаецца серыя нашых падарожжаў на восеньскіх вакацыях.

  4 лістапада вучні 4 – 8-х класаў ажыццявілі падарожжа ў горад Ляхавічы ў Дзяржаўную ўстанову адукацыі “Сярэдняя школа № 1 г. Ляхавічы”.

  Дзяцей гасцінна сустрэлі экскурсаводы і змястоўна пазнаёмілі ўсіх экскурсантаў з выставай музейнага пакою школы.

  Далей адбыліся напружаныя гульні па футболу паміж  камандамі ўстаноў адукацыі. У цяжкай, але чэснай барацьбе перамогу атрымала сяброўства.

  Натупным пунктам нашага маршруту была Брацкая магіла ўсім загінуўшым на плошчы Перамогі ў горадзе Ляхавічы. З вялікай пашанай да памяці тых, хто ахвяраваў сваім жыццём дзеля свабоды  і незалежнасці Радзімы вучні ўсклалі кветкі да помніка.

  Апошнім пунктам на маршруте быў сядзібна-паркавы комплекс былога роду Рэйтанаў у вёсцы Грушаўка. Вучні з цікавасцю падарожнічалі па старажытных сцежках, слухалі аповед пра жыццё гэтага слаўнага роду і асабліва пра мужнасць і сапраўдны патрыятызм лепшага яго прадстаўніка Тадэвуша Рэйтана. Завяршылася падарожжа паклонам воінам, якія загінулі ў Вялікай Айчыннай вайне на брацкай магіле вёскі Грушаўка.

  Экскурсія атрымалася цікавай і напоўненай рознай карыснай інфармацыяй.

  Падарожнічаем далей у другой чвэрці 2022/2023 навучальнага года.

  Колькі яшчэ нязведаных сцяжынах роднай Бацькаўшчыны патрэбна наведаць вучням!

  Усё яшчэ толькі пачынаецца!