03.11.2022
Восеньскія нататкі вандроўнікаў – дзень пяты
3 лістапада 2022 года вучні 4 – 8-х класаў Начаўскай сярэдняй школы накіраваліся ў чарговае падарожжа па маршруту: Нача – Баранавічы.
Першым прыпынкам экскурсіі стаў Музей чыгуначнага транспарту горада Баранавічы. Вучні і настаўнікі з вялікай цікавасцю і ўвагай азнаёміліся з экспазіцыяй музея па гісторыі ўзнікнення, развіцця і сучаснага становішча чыгуначнага транспарту ў Рэспубліцы Беларусь.
Больш за дзве гадзіны дзеці з захапленнем даследавалі і практычна спрабавалі на “трываласць” экспанаты розных гадоў эксплуатацыі тэхніку чыгуначнага транспарту: ад першых паравозаў далёкага XIX стагоддзя да сучасных “монстраў” XXI стагоддзя. Усё выклікала цікавасць і магчыма жаданне звязаць свой далейшы лёс з прафесіямі, якія звязаны з чыгуначным транспартам.
Пасля прагляду і азнаямлення з усімі таямніцамі чыгуначнага транспарту, экскурсія працягнулася па Ляхавіцкаму раёну (вёскі Дарава – Конькі – горад Ляхавічы – вёскі Грушаўка – Зубелевічы – Нача). У ходзе гэтага падарожжа вучні школы слухалі расказ экскурсавода пра трагічныя і гераічныя падзеі нашай зямлі ў гады Вялікай Айчыннай вайны. Кожны помнік загінуўшым землякам і воінам Чырвонай Арміі выклікаў спачуванне аб памерлых, але і вялікі гонар за пераможцаў. Ня лёгкай цаною далася нашаму народу Перамога!
Падарожжа працягваецца!
У пятніцу новая група экскурсантаў наведае Дзяржаўную установу адукацыі “Сярэдняя школа № 1 г. Ляхавічы”. Мэты: матчавая сустрэча па футболу, а таксама экскурсія ў музейны пакой школы.
Да новых сустрэч сябры!