01.11.2022
Восеньскія нататкі вандроўнікаў – дзень трэці
У першы дзень лістапада 2022 года вучні 5 – 7-х класаў з мэтаю далейшага працягу падарожжаў восеньскіх вакацый здзейснілі экскурсію па мясцінах вайсковай славы і генацыду беларускага народа ў гады Вялікай Айчыннай вайны на тэрыторыі горада Ляхавічы і Ляхавіцкага раёна.
Вучні наведалі месца масавага знішчэння яўрэйскага насельніцтва на тэрыторыі г. Ляхавічы ў 1941 – 1943 гадах. Пакланіліся на брацкай магіле горада Ляхавічы і вёскак Зубелевічы і Нача ўсім загінуўшым за свабоду бацькаўшчыны ў гады вайны. У памяць усіх ахвяр гэтай страшэннай вайны вучні паклалі кветкі.
Асаблівае ўражанне ў дзяцей выклікаў расказ настаўніка пра тыя страшныя падзеі генацыду і тую вялікую працу па ўвекавечванню памяці загінуўшых і пошуках новых ахвяр на тэрыторыі Ляхавіцкага раёна і Рэспублікі Беларусь.
З цяжкімі думкамі, але з вераю ў лепшае будучае вучні і настаўнікі вярталіся з гэтага падарожжа.
Трэба памятаць, каб ведаць і ніколі не дапусціць такіх страшэнных падзей для беларускага народа ў будучыні!
Заўтра будзе новае падарожжа і новыя эмоцыі!
Да сустрэчы сябры! Паехалі з намі па родных мясцінах! Даследуй, вывучай, кахай сваю Радзіму!!!