17.09.2022

Дарогамі памяці, дарогамі адзінства!

  У межах святкавання Дня народнага адзінства, з мэтаю рэалізацыі рэспубліканскага праекта “Дарогамі памяці, дарогамі адзінства”, вучні 5 – 7-х класаў 17 верасня ажыццявілі экскурсію па месцах вайсковай славы і месцах генацыду беларускага народа ў гады Вялікай Айчыннай вайны ў г. Ляхавічы і в. Зубелевічы.

  Экскурсавод распавядаў вучням пра ваенныя ліхалецці, пра жахлівыя падзеі генацыду нашых землякоў на тэрыторыі раёна ў перыяд нямецка-фашысцкай акупацыі 1941 – 1944 гадоў, а таксама пра гераізм, мужнасць і самааданасць беларусаў у гады вайны, якія аддавалі свае жыцці за перамогу над ворагам.

  Вечная памяць і падзяка ад сучасных пакаленняў беларусаў нашым слаўным змагарам за свабоду Радзімы!”