02.04.2022
“Хатынь” – сімвал няскоранага духу народа-пераможцы!
Цудоўная пара канікулы!
Вось і наступілі веснавыя канікулы 2021/2022 навучальнага года. Дзеці чакаюць актыўнага адпачынку і цуда адбываецца!
Наступны наш веснавы маршрут - Дзяржаўны мемарыяльны комплекс “Хатынь”.
2 красавіка ў святочны дзень “Дзень яднання Беларусі і Расіі” вучні школы наведалі “Хатынь”. Гэта сімвалічнае месца, якое сапраўды з’яднала беларускі і рускі народы!
У 2022 годзе ўвесь беларускі народ адзначыў 79-ю гадавіну з дня вялікай трагедыі, спалення разам з жыхарамі простай беларускай вёскі Хатынь, якая адбылася ў далёкім 1943 годзе.
У той ракавы дзень 22 сакавіка 1943 года нямецкія карнікі з атрада СС і паліцаі здзейснілі страшэннае для звання чалавека злачынства – спалілі разам з жыхарамі вёску Хатынь!
А колькі такіх вёсак-сёстраў Хатыні было на беларускай зямлі ў гады Вялікай Айчыннай вайны падчас нямецка-фашысцкай акупацыі? Сотні…!
Пасля Вялікай Перамогі сіламі ўсяго савецкага народа быў прыдуманы і рэалізаваны ў жыццё праект мемарыяльнага комплекса “Хатынь” на месцы загінуўшай і знікшай назаўсёды вёскі.
“Хатынь” – сімвал трагедыі беларускага народа, сімвал генацыда над народамі Свету, які праводзілі нацысты ў гады Вялікай Айчыннай і Другой Сусветнай войнаў. Але “Хатынь” – гэта і сімвал няскоранага духу народа-пераможцы!
Вучні хадзілі на экскурсіі па зямлі “Хатыні” ціха схіліўшы галовы! Было не да жартаў і размоў. “Хатынь” – святое для кожнага беларуса месца!
Тут весак спаленых усiх
Зрабiлi могiльнiк адзiны.
Хто моўчкi плача, хто ўслых,
I ў смуце хуткiя хвiлiны.
Устаньце! Зноў вясна прыйшла...
Вы ўсе жыццё сваё любiлi.
Вас смерць раптоўна так знайшла.
Хатынь... яе вясной спалiлi.
Адказ маладога пакалення дваццаць першага стагоддзя такі:
“Беларусь чуе твае званы “Хатынь”, Беларусь памятае тваю боль “Хатынь”, Беларусь ніколі не забудзе пра гэта злачынства “Хатынь”, Беларусь не дасць паўтарыцца твайму лёсу “Хатынь”! Пакуль жыве памяць, жыве і беларускі народ!
Вось такія канікулы!
